ସାବଧାନ ! ଶୀତଦିନେ କଦଳୀ ଖାଉଥିଲେ?
ଭୁବନେଶ୍ୱର,(ଏସ.ଏମ.ପି):- କିଛି ଲୋକ କୁହନ୍ତି ଯେ ଶୀତ ଋତୁରେ କଦଳୀ ଖାଇବା ଠିକ୍ ତ ଆଉ କିଛି ଲୋକ ମତ ଦିଅନ୍ତି ଯେ ଶୀତ ଋତୁରେ କଦଳୀ ଖାଇବା ଉଚିତ୍ ନୁହେଁ। ଯଦି ଆପଣ ମଧ୍ୟ ଏଭଳି ପ୍ରଶ୍ନ ଦ୍ୱାରା ଦ୍ୱନ୍ଦ୍ୱରେ ପଡୁଛନ୍ତି ପଡ଼ନ୍ତି, ତେବେ ଆପଣ ଏଠାରେ ଉତ୍ତର ପାଇବେ।ଶୀତ ଋତୁରେ ଖାଦ୍ୟକୁ ନେଇ, ବିଶେଷତଃ ଫଳ ବିଷୟରେ ଅନେକ ସମୟରେ ପ୍ରଶ୍ନ ଉଠିଥାଏ।କଦଳୀ ହେଉଛି ଏମିତି ଏକ ଫଳ ଯାହା ବର୍ଷସାରା ସହଜରେ ମିଳିଥାଏ ଏବଂ ପୋଷକରେ ସମୃଦ୍ଧ ବୋଲି ଧରାଯାଏ। କିନ୍ତୁ ଶୀତଦିନେ ଏହାକୁ ଖାଇବାକୁ ନେଇ ମତଭେଦ ଅଛି।କଦଳି ହେଉଛି ପୋଟାସିୟମ୍, ମ୍ୟାଗ୍ନେସିୟମ୍ ଏବଂ ଭିଟାମିନ୍ B6 ର ଏକ ଉତ୍ତମ ଉତ୍ସ। ଏଜା ଯାହା ଶରୀରର ମେଟାବୋଲିଜିମ୍କୁ ସୁସ୍ଥ ରଖିବାରେ ସାହାଯ୍ୟ କରିଥାଏ।ଶୀତ ଋତୁରେ ଯେତେବେଳେ ଶରୀର ଶକ୍ତିର ଆଧିକ ଆବଶ୍ୟକ କରେ, କଦଳୀ ଏକ ଉତ୍ତମ ଶକ୍ତି ଉତ୍ସ ହୋଇପାରେ। ଏଥିସହ ଏଥିରେ ଥିବା ଫାଇବର ହଜମ ପ୍ରକ୍ରିୟାକୁ ମଜବୁତ କରିଥାଏ, ଯାହା ସାଧାରଣତଃ ଶୀତଦିନେ ମନ୍ଥର ହୋଇଯାଏ।ଚିକିତ୍ସା ଦୃଷ୍ଟିକୋଣରୁ, କଦଳୀକୁ ଏକ ଥଣ୍ଡାଜାତୀୟ ଫଳ ଭାବରେ ବିବେଚନା କରାଯାଏ। ତେଣୁ ଏହାକୁ ଅଧିକ ବ୍ୟବହାର କଲେ କିଛି ଲୋକଙ୍କ ଗଳା ଯନ୍ତ୍ରଣା କିମ୍ବା ଥଣ୍ଡା ହୋଇପାରେ। ଯଦି କୌଣସି ବ୍ୟକ୍ତିର ଥଣ୍ଡା ସମ୍ବନ୍ଧୀୟ ଆଲର୍ଜି ଥାଏ, ତେବେ ସେମାନେ କଦଳୀ ଖାଇବା ଠାରୁ ଦୂରେଇ ରହିବା ଉଚିତ।ଯଦି ଆପଣ ଶାରୀରିକ ଭାବରେ ସକ୍ରିୟ ଅଟନ୍ତି ଏବଂ ଥଣ୍ଡା ସମୟରେ ମଧ୍ୟ ବ୍ୟାୟାମ କରନ୍ତି, ତେବେ କଦଳୀ ଆପଣଙ୍କ ପାଇଁ ଲାଭଦାୟକ ହୋଇପାରେ, କାରଣ ଏହା ତତକ୍ଷଣାତ୍ ଶକ୍ତି ଯୋଗାଇଥାଏ। କଦଳୀ ଖାଇବା ପାଇଁ ଉପଯୁକ୍ତ ସମୟ ମଧ୍ୟ ଗୁରୁତ୍ୱପୂର୍ଣ୍ଣ।ସକାଳେ କଦଳୀ ଖାଇବା ହଜମ କରିବାରେ ସାହାଯ୍ୟ କରିଥାଏ, କିନ୍ତୁ ରାତିରେ ଏହାକୁ ଖାଇବା ଠାରୁ ଦୂରେଇ ରହିବା ଉଚିତ। କାରଣ ଏହା ଶ୍ୱାସକୁ ବଢାଇପାରେ, ଯାହା ଦ୍ୱାରା ଥଣ୍ଡା ଏବଂ କାଶ ହେବାର ସମ୍ଭାବନା ବଢିଯାଏ।