ବାଲିଗୁଡ଼ାରେ ‘ୱାନ ନେସନ, ୱାନ ଭୋଟ୍’କୁ ନେଇ କୁଇଜ୍ ଓ ବିତର୍କ ପ୍ରତିଯୋଗିତା
ବାଲିଗୁଡ଼ା, ୧୩/୦୮:ସୁକାନ୍ତ କୁମାର ତ୍ରିପାଠୀ
ନିର୍ବାଚନ ସାକ୍ଷରତା ଓ ଗଣତାନ୍ତ୍ରିକ ସଚେତନତା ବୃଦ୍ଧି ଲକ୍ଷ୍ୟରେ କନ୍ଧମାଳ ଜିଲ୍ଲା ବାଲିଗୁଡ଼ା ଉପଜିଲ୍ଲାପାଳ କାର୍ଯ୍ୟାଳୟରେ କୁଇଜ୍ ଓ ବିତର୍କ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। SIR-୨୦୨୬ର ପୁନରୁଦ୍ଧାର ଏବଂ ବିଧାନସଭା ନିର୍ବାଚନମଣ୍ଡଳୀସ୍ତରରେ ଶିକ୍ଷାନୁଷ୍ଠାନଗୁଡ଼ିକରେ ନିର୍ବାଚନ ସାକ୍ଷରତା କ୍ଲବ୍ (ELC)କୁ ସୁଦୃଢ଼ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।ଉପଜିଲ୍ଲାପାଳ କାର୍ଯ୍ୟାଳୟର ଦୁଇଟି ସମ୍ମିଳନୀ କକ୍ଷରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିବାବେଳେ ଛାତ୍ରଛାତ୍ରୀ ଓ ସ୍ଥାନୀୟ ନାଗରିକମାନେ ଉତ୍ସାହର ସହ ଅଂଶଗ୍ରହଣ କରିଥିଲେ। ବିତର୍କ ପ୍ରତିଯୋଗିତାର ବିଷୟ ଥିଲା ‘ୱାନ ନେସନ, ୱାନ ଭୋଟ୍’।ପ୍ରତିଯୋଗିତାକୁ ଉପଜିଲ୍ଲାପାଳ ତଥା ନିର୍ବାଚନ ପଞ୍ଜୀକରଣ ଅଧିକାରୀ ଶ୍ରୀମତୀ ପ୍ରଣିତା ଦାସ (ଆଇଏଏସ୍), ସହକାରୀ କଲେକ୍ଟର ଶ୍ରୀ ରୂପକ କୁଜୁର, ଶ୍ରୀ ଅବିନାଶ ପଣ୍ଡା ଓ
ଶ୍ରୀ ହରେକୃଷ୍ଣ ରାଉତ, ଡେପୁଟି କଲେକ୍ଟର ଶ୍ରୀ ସଞ୍ଜୀବ ରୂପମାଝୀ ଏବଂ ଏସ୍ଡିଆଇପିଆର୍ଓ ଶ୍ରୀ ଶିବ ଶଙ୍କର ସାମରଥ ପ୍ରମୁଖ ବିଚାରକ ଓ ମାର୍ଗଦର୍ଶକ ଭାବେ ପରିଚାଳନା କରିଥିଲେ। ଏଥିସହ ବୁଥ୍ସ୍ତରୀୟ ଅଧିକାରୀ (BLO) ଓ BLO ସୁପରଭାଇଜରମାନେ ମଧ୍ୟ ସହଯୋଗ କରିଥିଲେ।ଏହି ପ୍ରତିଯୋଗିତା ମାଧ୍ୟମରେ ଅଂଶଗ୍ରହଣକାରୀମାନେ ଦେଶର ନିର୍ବାଚନ ବ୍ୟବସ୍ଥା, ସମ୍ବିଧାନିକ ବ୍ୟବସ୍ଥା, ଏକକାଳୀନ ନିର୍ବାଚନର ଗୁରୁତ୍ୱ ଓ ନାଗରିକଙ୍କ ଗଣତାନ୍ତ୍ରିକ ଦାୟିତ୍ୱ ସମ୍ପର୍କରେ ଜ୍ଞାନ ଆହରଣ କରିଥିଲେ। ଯୁବପିଢ଼ି ଓ ସାଧାରଣ ଲୋକଙ୍କ ମଧ୍ୟରେ ସକ୍ରିୟ ନାଗରିକ ଅଂଶଗ୍ରହଣ ନେଇ ସଚେତନତା ସୃଷ୍ଟି କରିବାରେ ଏହି ପଦକ୍ଷେପ ସହାୟକ ହୋଇଥିଲା।
advertisement
