ବାଲିଗୁଡ଼ାରେ ଦ୍ୱିତୀୟ ସୋମବାର: ବିଭିନ୍ନ ଶୈବପୀଠରେ କାଉଁରିଆଙ୍କ ଭିଡ଼

ବାଲିଗୁଡ଼ା, ୧୦/୮: ସୁକାନ୍ତ କୁମାର ତ୍ରିପାଠୀ:

ଶ୍ରାବଣ ମାସର ଦ୍ୱିତୀୟ ସୋମବାର ଅବସରରେ କନ୍ଧମାଳ ଜିଲ୍ଲା ବାଲିଗୁଡ଼ା ତଥା ଆଖପାଖ ଅଞ୍ଚଳର ବିଭିନ୍ନ ଶୈବପୀଠରେ ଭକ୍ତିମୟ ପରିବେଶ ସୃଷ୍ଟି ହୋଇଛି। ଭୋରୁ ଭୋରୁ ଶତାଧିକ କାଉଁରିଆ ବିଭିନ୍ନ ନଦୀ ଓ ଜଳାଶୟରୁ ପବିତ୍ର ଜଳ ସଂଗ୍ରହ କରି ଶିବ ମନ୍ଦିର ଅଭିମୁଖେ ଯାତ୍ରା କରିଥିଲେ।କାଉଁରିଆମାନେ ଶ୍ରଦ୍ଧା ଓ ଭକ୍ତିର ସହ ମୁଣ୍ଡରେ କାଉଁର ଧରି ଶିବଙ୍କ ନାମ ଜପ କରି ବିଭିନ୍ନ ଶୈବପୀଠରେ ପହଞ୍ଚିଥିଲେ। ସେଠାରେ ପ୍ରଭୁ ଶିବଙ୍କ ଉପରେ ପବିତ୍ର ଜଳ ଢାଳି ଜଳାଭିଷେକ କରିବା ସହ ବେଲପତ୍ର, ଫୁଲ ଓ ବିଭିନ୍ନ ପୂଜା ସାମଗ୍ରୀ ଅର୍ପଣ କରିଥିଲେ।ସକାଳୁ ବିଭିନ୍ନ ଶୈବପୀଠରେ ଭକ୍ତଙ୍କ ଭିଡ଼ ଲାଗି ରହିଥିବା ବେଳେ ‘ହର ହର ମହାଦେବ’ ଓ ‘ବୋଲ ବମ୍’ ଧ୍ୱନିରେ ସମଗ୍ର ପରିବେଶ ପ୍ରକମ୍ପିତ ହୋଇଥିଲା। ଶ୍ରାବଣ ସୋମବାରରେ ଶିବଙ୍କ ଜଳାଭିଷେକ କଲେ ମନୋବାଞ୍ଛା ପୂରଣ ହୁଏ ବୋଲି ଭକ୍ତମାନଙ୍କ ମଧ୍ୟରେ ରହିଥିବା ବିଶ୍ୱାସ ଯୋଗୁଁ ଏହି ଦିନ ବହୁ ସଂଖ୍ୟାରେ ଭକ୍ତ ଶୈବପୀଠଗୁଡ଼ିକରେ ସମାଗମ ହୋଇଥିଲେ।

advertisement