ହୀରକ ଜୟନ୍ତୀ ଅବସରରେ ବିଏସଏଫ୍–ସ୍ଥାନୀୟ ଯୁବକଙ୍କ ମଧ୍ୟରେ ଫୁଟବଲ୍ ମ୍ୟାଚ
ବାଲିଗୁଡା, ୨୭/୦୬: ସୀମା ସୁରକ୍ଷା ବଳ (BSF)ର ‘ସୀମା ସୁରକ୍ଷା – ୬୦ ବର୍ଷର ସେବା, ତ୍ୟାଗ ଓ ଶକ୍ତି’ ହୀରକ ଜୟନ୍ତୀ ଉତ୍ସବ ପାଳନ ଅବସରରେ ଶନିବାର ସନ୍ଧ୍ୟାରେ ୧୩୬ ବ୍ୟାଟାଲିଅନ୍ର ‘ବି’ କମ୍ପାନୀ, ସିଓବି ମିଗୁନପଦର ପକ୍ଷରୁ ଏକ ପ୍ରୀତି ଫୁଟବଲ୍ ମ୍ୟାଚ୍ର ଆୟୋଜନ କରାଯାଇଥିଲା।ଏହି ମ୍ୟାଚ୍ଟି ‘ବି’ କମ୍ପାନୀ
୧୩୬ ବିଏସଏଫ୍ ଦଳ ଓ ଡି.ବି.ଡି.ଏଫ୍.ସି. ମିଗୁନପଦରର ସ୍ଥାନୀୟ ଯୁବକମାନଙ୍କ ମଧ୍ୟରେ ଅପରାହ୍ନ ୪ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ରୋମାଞ୍ଚକର ମୁକାବିଲାରେ ବିଏସଏଫ୍ ଦଳ ୩-୧ ଗୋଲ୍ରେ ବିଜୟୀ ହୋଇଥିଲା।ଏହି କାର୍ଯ୍ୟକ୍ରମରେ ବିଏସଏଫ୍ର ୧ ଜଣ ଗେଜେଟେଡ୍ ଅଫିସର, ୭ ଜଣ ସବ୍-ଅଫିସର
ଓ ୨୮ ଜଣ ଜବାନଙ୍କୁ ମିଶାଇ ମୋଟ ୩୬ ଜଣ ଯୋଗଦେଇଥିବା ବେଳେ ୨୮ ଜଣ ସ୍ଥାନୀୟ ନାଗରିକ ମଧ୍ୟ ଉପସ୍ଥିତ ଥିଲେ।ଏହି ପ୍ରୀତି ମ୍ୟାଚ୍ ମାଧ୍ୟମରେ ବିଏସଏଫ୍ ଓ ସ୍ଥାନୀୟ ଯୁବବର୍ଗଙ୍କ ମଧ୍ୟରେ ସମ୍ପର୍କ ଓ ସୌହାର୍ଦ୍ୟ ଆହୁରି ସୁଦୃଢ଼ ହୋଇଥିବା ସହ ହୀରକ ଜୟନ୍ତୀ ଉତ୍ସବ ଉତ୍ସାହର ସହ ପାଳନ କରାଯାଇଥିଲା।
ରିପୋର୍ଟ -ସୁକାନ୍ତ କୁମାର ତ୍ରିପାଠୀ