ମା ହେଙ୍ଗୁଳାଇଙ୍କ ଜନ୍ମ ଉତ୍ସବ ପାଳିତ

  ନୟାଗଡ, ( ପ୍ରଭାକର ଶିରୋମଣି ):- ନୟାଗଡ ଜିଲ୍ଲା ଖଣ୍ଡପଡା ବ୍ଳକ ଅନ୍ତର୍ଗତ କଣ୍ଟିଲୋ  ହାଟ ମୁଣ୍ଡ ପାଟଣା ସାହିରେ ୨୦୦ ଵର୍ଷରୁ ଉର୍ଦ୍ଧ୍ୱ ସମୟ ହେଲା ପ୍ରତିଷ୍ଠିତ ଗ୍ରାମ ଦେବତୀ ମା ‘ ହେଙ୍ଗୁଳାଇ ଠାକୁରାଣୀ ଙ୍କ ଜନ୍ମ ବାର୍ଷିକୀ ଉତ୍ସବ ଆଜି ଶନିବାର ପାଳିତ  ହୋଇଯାଇଛି । ଏହି ଅବସରରେ ଉତ୍ସାହୀ ସଭ୍ୟ ମାନଙ୍କ ଦ୍ୱାରା ଅଧିବାସ, କଳସ ଯାତ୍ରା ଓ ଯଂଜ୍ଞାଦି କର୍ମ ସମାପନ ହୋଇଥିଲା । ସନ୍ଧ୍ୟା ସମୟରେ ମହିଳା ମାନଙ୍କ ଦ୍ୱାରା ସଂକୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରତିବର୍ଷ ଭଳି  ହୋଇ ଆସୁଥିବା ପ୍ରତିଷ୍ଠା ଦିବସ ଆଜି ସମାରୋହରେ ଗ୍ରାମ ବାସୀଙ୍କ ସହାୟତାରେ ସମାପନ ହୋଇ ଯାଇଛି । ଏହି କାର୍ଯ୍ୟକ୍ରମରେ ବହୁ ସଂଖ୍ୟକ ବ୍ୟକ୍ତି ବିଶେଷ ଓ ମହିଳା ଶ୍ରଦ୍ଧାଳୁ କଳସ ଶୋଭା ଯାତ୍ରାରେ ସାମିଲ  ହୋଇଥିଲେ।