ମାସେ ହେଲା ଲକ୍ଷ୍ମୀ ବସ ବନ୍ଦ, ଯାତ୍ରୀ ହନ୍ତସନ୍ତ
ଆର,ଉଦୟଗିରି(ମନୋଜ କୁମାର ପାଢୀ):- ଦୁର୍ଗମ ଅଞ୍ଚଳର ଜନ ସାଧାରଣଙ୍କ ଯାତାୟତ ସୁବିଧା ନିମନ୍ତେ ଓ ବ୍ଳକ୍ ଏବଂ ଜିଲାକୁ ପ୍ରତେକ ଜନ ସାଧାରଣଙ୍କୁ ସ୍ଵଳ୍ପ ମୂଲ୍ୟରେ ଓ ସହଜରେ ପହଞ୍ଚିବା ନିମନ୍ତେ ସରକାର ଲକ୍ଷ୍ମୀ ବସ୍ ଯୋଜନାରେ ପ୍ରତେକ ଗ୍ରାମପଞ୍ଚାୟତରୁ ବ୍ଳକ କୁ ସଂଯୋଗ କରାଯାଇଛି । ହେଲେ ପ୍ରାୟ ଏକ ମାସହେଲା ଏହି ସୁବିଧାରୁ ବଞ୍ଚିତ ହୋଇଛନ୍ତି ଅଜୟଗଡ଼ ଗ୍ରାମ ପଞ୍ଚାୟତ ବାସୀ । ଅଜୟଗଡ଼ ଗ୍ରାମପଞ୍ଚାୟତ ଗୁମ୍ମା ବ୍ଳକ ର ଦୁର୍ଗମ ଓ ବିଛିନ୍ନ ପଞ୍ଚାୟତ ଭାବେ ଜଣାଯାଏ । ସମ୍ପୁର୍ଣ୍ଣ ପାହାଡ଼ ମଧ୍ୟରେ ଅବସ୍ଥିତ ଏହି ପଞ୍ଚାୟତ । ନା ଅଛି ଭଲ ରାସ୍ତା ନା ଅଛି ମୋବାଇଲ୍ ନେଟଓର୍କ କେବଳ ଲକ୍ଷ୍ମୀ ବସ ହିଁ ଏକ ବିକଳ୍ପ ଭାବରେ ରହିଛି ବର୍ତ୍ତମାନ ତାହା ମଧ୍ୟ ଏକ ମାସ ହେବ ବନ୍ଦ ଅଛି । ଅଞ୍ଚଳବାସୀ ବ୍ଳକ୍ ଅଫିସ ହେଉ କିମ୍ବା ହସ୍ପିଟାଲ ଯିବା ନିମନ୍ତେ ଘୋର ସମସ୍ୟାର ସମୁଖିନ ହେଉଥିବା ପ୍ରକାଶ କରିଛନ୍ତି । ଦୈନନ୍ଦିନ ବଜାର ବାଟକୁ ଯିବା ମଧ୍ୟ ବନ୍ଦ ହୋଇଯାଉଛି । କହିବାକୁ ଗଲେ ଅଜୟଗଡ଼ ପଞ୍ଚାୟତ ଏକ ପ୍ରକାର ବିଛିନ୍ନ ଭାବରେ ରହିଅଛି । ଏସମ୍ପର୍କରେ ବିଭାଗୀୟ ଅଧିକାରୀଙ୍କୁ ପଚାରିଲେ ଗାଡ଼ି ଖରାପ ଅଛି ମରାମତି ଚାଲିଥିବା ପ୍ରକାଶ କରିଛନ୍ତି । ଏଣୁ ଏହାର ତ୍ଵରିତ ସମସ୍ଯାର ସମାଧାନ କରି ତୁରନ୍ତ ବସ ଚାଲୁ କରିବା ନିମନ୍ତେ ସରପଞ୍ଚ ସୁଲମି ଶବର,ସମିତି ସଭ୍ୟା ରିବିକା ଗମାଙ୍ଗ, ପବିତ୍ର ପରିଚ୍ଛା, ଅରୁଣ ବଡ଼ନାୟକ ପ୍ରମୁଖ ଦାବି କରିଛନ୍ତି।
