ମଣ୍ଡଳ ସ୍ତରୀୟ ସାଧନା ଶିବିର
ବାଲିଗୁଡା, ୨୭/୦୪ [ସୁକାନ୍ତ କୁମାର ତ୍ରିପାଠୀ]ସ୍ଥାନୀୟ ଗାୟତ୍ରୀ ଶକ୍ତିପୀଠ ରେ ଶ୍ରୀ ସତ୍ୟସାଇ ସେବା ସଂଗଠନ ଓଡିଶା କନ୍ଧମାଳ ଜିଲ୍ଲା ତରଫରୁ ଜିଲ୍ଲା ସଭାପତି ଶ୍ରୀ ମଧୁସୂଦନ ମହାପାତ୍ର ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ଏକ ମଣ୍ଡଳ ସ୍ତରୀୟ ସାଧନା ଶିବିର ଅନୁଷ୍ଠିତ ହୋଇଯାଇଛି | ଉକ୍ତ ଶିବିରରେ ବୌଦ୍ଧ, କଳାହାଣ୍ଡି, ସାଇଜିଲ୍ଲା ଗଞ୍ଜାମ (୨) ଏବଂ କନ୍ଧମାଳ ର ୧୨୦ ରୁ ଉର୍ଦ୍ଧ୍ଵ ସାଇପ୍ରେମୀ ଅଂଶ ଗ୍ରହଣ କରିଥିଲେ | ଉକ୍ତ କାର୍ଯ୍ୟକ୍ରମ ସକାଳ ୫ ଘଣ୍ଟା ଠାରୁ ଆରମ୍ଭ ହୋଇ ଅପରାହ୍ନ ୩ ଟା ପର୍ଯ୍ୟନ୍ତ ଚାଲିଥିଲା | କାର୍ଯ୍ୟକ୍ରମରେ ସତ୍ୟସାଇ ସେବା ସଂଙ୍ଗଠନ ର ଉପସଭାପତି ଶ୍ରୀ ପ୍ରତାପ ଚନ୍ଦ୍ର ମହାନ୍ତି ଓ ରାଜ୍ୟସ୍ତରୀୟ ପ୍ରତିନିଧି ଶ୍ରୀ ମନୋରଞ୍ଜନ କର, ଶ୍ରୀ ବିମଳ ପ୍ରସାଦ କର ଓ ସରୋଜ କୁମାର ମିଶ୍ର ପ୍ରମୁଖ ଯୋଗଦାନ କରିଥିଲେ| ଆଜିର କାର୍ଯ୍ୟକ୍ରମ ସକାଳ ଘ. ୫.୦୦ ମି ଓମ୍ କାରମ୍, ସୁପ୍ରଭାତମ୍, ଜ୍ୟୋତିଧ୍ୟାନ ରୁ
ଆରମ୍ଭ ହୋଇ ସେବା କାର୍ଯ୍ୟ, ଷୋଡଶ ଉପଚାର ପୂଜା,ପ୍ରଶାନ୍ତି ପତାକା ଉତ୍ତୋଳନ, ସୁସଜ୍ଜିତ ପାଲିଙ୍କିରେ ଭଗବାନଙ୍କର ନଗର ପରିକ୍ରମା ଗାୟତ୍ରୀ ମନ୍ଦିର ଠାରୁ ବାହାରି ନୁଆସାହି, ଚର୍ଚ୍ଚ ଦେଇ ଶତାଧିକ ଭକ୍ତଙ୍କ ସମାବେଶରେ ପ୍ରତ୍ୟାବର୍ତନ କରିଥିଲା। ସକାଳ ୯ ଟା ରେ ଜ୍ୟୋତି ଆବାହନ ବେଦପାଠ,କୃତଜ୍ଞତାର କାର୍ଡ ସମର୍ପଣ,ସହନା ୱୱତୁ ଆବୃତ୍ତି କରାଯାଇଥିଲା। ଉକ୍ତ ଶିବିରରେ ପ୍ରମୁଖ ବିଷୟ : ଜପ ଧ୍ୟାନ ବିନା ସଂଯୋଗ ନେହିଁ,ନିତ୍ୟ ପ୍ରାର୍ଥନା, ନିତ୍ୟ ବେଦମନ୍ତ୍ରମ୍, ଗାୟତ୍ରୀ ମନ୍ତ୍ର, ବ୍ରହ୍ମାର୍ପଣମ୍, ସାଇସାହିତ୍ୟ ପଠନ,ଲିଖିତ ଜପ, “ଜଗମେ ସର୍ବମ୍ ବ୍ରହ୍ମ ମୟମ୍”,ସେବା ସନ୍ନିଧ୍,ସତସଙ୍ଗତ୍ୱେ – ଜୀବନମୁକ୍ତି,ସମିତି,ସହମତି,ଶତବାର୍ଷିକୀ ସମାରୋହ – ବ୍ୟକ୍ତିଗତ, ପାରିବାରିକ ଓ ସାଙ୍ଗଠନିକ ସାଧନା ପ୍ରୟାସ ଇତ୍ୟାଦି ଆଲୋଚନା କରାଯାଇଥିଲା। ପରିଶେଷରେ ବାଲିଗୁଡା ସମିତିର ଆବାହକଙ୍କ ଦ୍ୱାରା ଧନ୍ୟବାଦ ଅର୍ପଣ କରାଯାଇ ମଙ୍ଗଳ ଆରତୀ, ପ୍ରସାଦ ସେବନ ସହିତ ଶିବିରର ସମସ୍ତ କାର୍ଯ୍ୟକ୍ରମ ସମାପ୍ତ ହୋଇଥିଲା।
