ଗଜପତିରେ ଚୋରା କାଠ ଚାଲାଣ ଅଭିଯୋଗରେ ଦୁଇ ଜଣଙ୍କୁ ଜେଲ ଦଣ୍ଡ

ଆର.ଉଦୟଗିରି,(ମନୋଜ ପାଢୀ):- ପିଆଶାଳ କାଠ ଚୋରାଚାଲାଣ ଅଭିଯୋଗରେ ଦୁଇଜଣଙ୍କୁ ଗୋଟିଏ ବର୍ଷ ଜେଲ୍ ସହ ଦୁଇ ହଜାର ଟଙ୍କା ଜୋରିମାନା ରାୟ ଶୁଣାଇଛନ୍ତି ମୋହନା ପ୍ରଥମ ବିଚାର ବିଭାଗୀୟ ବିଚାରପତି । ଚନ୍ଦ୍ରଗିରି ବନାଞ୍ଚଳ ପକ୍ଷରୁ ଜାନୁଆରୀ ୧୦ ତାରିଖ ୨୦୨୦ ମସିହାରେ ୨୧ ଖଣ୍ଡ ପିଆଶାଳ କାଠ ଓ ଏକ ଅଟୋ ଜାମଢ଼ିଅ ଗାଁରୁ ରୁଆଆମ୍ବ ଗାଁ ମଝି ରାସ୍ତାରେ ଚନ୍ଦ୍ରଗିରି ବାନାଞ୍ଚଳ ପକ୍ଷରୁ ବନପାଳ ମାନସିନି ମାଦଳା ଚଢ଼ାଉ କରି କାଠ ସହ ଅଟୋକୁ ଜବତ କରିଥିଲେ । ସେଥିରେ ଖାରିଗୁମା ଗାଁର ଦୟାନିଧି ପାଇକ ଓ ଟୁକୁନା ପାଇକଙ୍କ ନାମରେ ବନ ବିଭାଗ ପକ୍ଷରୁ ୨ବିସିସି୦୪/୨୦୨୦ରେ ମାମଲା ରୁଜୁ କରାଯାଇଥିଲା। ଆଜି ମୋହନା ପ୍ରଥମ ବିଚାର ବିଭାଗୀୟ ଅଦାଲତ ରେ ସରକାରୀ ଓକିଲ ଆଦିତ୍ୟ ନାରାୟଣ ତ୍ରୀପାଠୀ ଓ ବୈଦ୍ୟନାଥ ସିଂ ବିଚାରପତିଙ୍କ ସାମ୍ନା ରେ ପାଞ୍ଚଜଣ ସାକ୍ଷୀ ଙ୍କ ବୟାନ ରେକର୍ଡ କରିଥିଲେ । ଯାହା ଫଳରେ ପ୍ରଥମ ବିଚାରପତି ସମସ୍ତ ସାକ୍ଷୀ ଙ୍କ ବୟାନ କୁ ଭିତ୍ତି କରି ଏକ ବର୍ଷ ଜେଲ୍ ସହ ଦୁଇ ହଜାର ଟଙ୍କା ଦଣ୍ଡିତ କରାଯାଇଥିଲା। ଏମିତି କି ଦୁଇ ହଜାର ଟଙ୍କା ଜୋରିମାନା ଦେଇପରିବେନି ତା ହେଲେ ଅଧିକା ଦୁଇ ମାସ ଜେଲ୍ ଦଣ୍ଡ ଦିଆଯିବା ନେଇ ରାୟ ଶୁଣାଇଥିଲେ।