ବ୍ରହ୍ମପୁର ବିଶ୍ୱବିଦ୍ୟାଳୟର ମହିଳା ବଲ ବ୍ୟାଡମିଣ୍ଟନ ଦଳରେ ଆଦିବାସୀ ମହାବିଦ୍ୟାଳୟର ମହିଳା ଛାତ୍ରୀଙ୍କ କୃତିତ୍ୱ

ବାଲିଗୁଡା,୨୫.୦୩ [ସୁକାନ୍ତ କୁମାର ତ୍ରିପାଠୀ )ବ୍ରହ୍ମପୁର ବିଶ୍ୱବିଦ୍ୟାଳୟ ଠାରେ ମହିଳା ବଲ ବ୍ୟାଡମିଣ୍ଟନ ଦଳରେ ଆଦିବାସୀ ମହାବିଦ୍ୟାଳୟର ବାଲିଗୁଡା ର ମହିଳା ଛାତ୍ରୀ କୃତିତ୍ୱ ଲାଭ କରିଛନ୍ତି | କୃତିତ୍ୱ ହେବା ପରେ ଆସନ୍ତା ୨୯.୦୩.୨୦୨୫ ଠାରୁ ୦୧.୦୪.୨୦୨୫ ପର୍ଯ୍ୟନ୍ତ ତାମିଲନାଡୁର ଆଲଗାପା ବିଶ୍ଵବିଦ୍ୟାଳୟ ଠାରେ ଅନୁଷ୍ଠିତ ହେବାକୁ ଥିବା ଅନ୍ତ୍ତ ବିଶ୍ଵବିଦ୍ୟାଳୟ ସ୍ତରୀୟ ମହିଳା ବଲ ବ୍ୟାଡମିଣ୍ଟନ ପ୍ରତିଯୋଗିତାରେ ବ୍ରହ୍ମପୁର ବିଶ୍ଵବିଦ୍ୟାଳୟ ମହିଳା ଦଳ ଅଂଶ ଗ୍ରହଣ କରିବ । ଏହି ୧୦ ଜଣିଆ ଦଳରେ ଆଦିବାସୀ ମହାବିଦ୍ୟାଳୟର ଅଲିଭା ସୁନେଲି ପ୍ରଧାନ ଦ୍ୱିତୀୟ ବର୍ଷ ବିଜ୍ଞାନ , ଡଲିନା ପ୍ରଧାନ ଦ୍ୱିତୀୟ ବର୍ଷ କଳା ଓ ମାଜନ୍ତି ମଲ୍ଲିକ ପ୍ରଥମ ବର୍ଷ କଳା ଛାତ୍ରୀ ବ୍ରହ୍ମପୁର ବିଶ୍ଵ ବିଦ୍ୟାଳୟ ତରଫରୁ ଦଳ ପାଇଁ ମନୋନୀତ ହୋଇଛନ୍ତି । ଆଦିବାସୀ ମହାବିଦ୍ୟାଳୟର କ୍ରୀଡା ପ୍ରଶିକ୍ଷକ ଶ୍ରୀ ଗଙ୍ଗା ଧର ପଣ୍ଡାଙ୍କ ପ୍ରଚେଷ୍ଟା ରେ ଏହି ସଫଳତା ପାଇଁ ମହାବିଦ୍ୟାଳୟର ସମସ୍ତ ଅଧ୍ୟାପକ ଓ ଅଧ୍ୟାପିକା ଏହି କ୍ରୀଡାବିତ୍ ଙ୍କ ଉତ୍ତୋରତାର କାମନା କରିଛନ୍ତି ।