ଦେଶରେ ପ୍ରଥମ ଥର ପାଇଁ ଟ୍ରାଏଲ ଟ୍ରେନରେ ଉପଲବ୍ଧ ହେବ ATM ସୁବିଧା
ଖୋର୍ଦ୍ଧା ଜିଲ୍ଲା, (ସଞ୍ଜୀବ କୁମାର):- ରେଳ ଯାତ୍ରୀଙ୍କ ପାଇଁ ଖୁସି ଖବର । ଟ୍ରେନରେ ମିଳିବ ATM ସୁବିଧା । ଟ୍ରେନରେ ଯାତ୍ରୀଙ୍କ ସୁବିଧା ପାଇଁ କେନ୍ଦ୍ରୀୟ ରେଳବାଇ (Central Railway) ପଞ୍ଚବଟି ଏକ୍ସପ୍ରେସରେ ଏକ ATM ସ୍ଥାପନ କରିଛି । ବର୍ତ୍ତମାନ ଏହାକୁ ପରୀକ୍ଷାମୂଳକ ଭାବରେ ଆରମ୍ଭ କରାଯାଇଛି । ଯଦି ଏହି ସେବା ସଫଳ ହୁଏ, ତେବେ ଏହାକୁ ଆହୁରି ବିସ୍ତାର କରିବା ବିଷୟରେ ଆଲୋଚନା କରାଯିବ । ଏହି ଟ୍ରେନ୍ ନାସିକର ମନମାଡ-ମୁମ୍ବାଇ ମଧ୍ୟରେ ଚାଲିଥାଏ । ଡିଭିଜନର ଅଧିକାରୀଙ୍କ ସୂଚନା ଅନୁଯାୟୀ, ପରୀକ୍ଷାମୂଳକ ଭାବରେ ମୁମ୍ବାଇ-ମନମାଡ ପଞ୍ଚବଟି ଏକ୍ସପ୍ରେସରେ ଏକ ସ୍ୱୟଂଚାଳିତ (ATM) ସ୍ଥାପନ କରାଯାଇଛି । ଏହା ଏକ ଘରୋଇ ବ୍ୟାଙ୍କ ଦ୍ୱାରା ପ୍ରଦାନ କରାଯାଇଛି । ଏହି ATM ଦୈନିକ ଏକ୍ସପ୍ରେସ୍ ସେବାର ଏୟାରକଣ୍ଡିସନ୍ଡ୍ ଚେୟାର କାର୍ କୋଚ୍ରେ ସ୍ଥାପିତ ହୋଇଛି । ପ୍ରଥମେ ଏହାକୁ ପରୀକ୍ଷା ମୂଳକ ଭାବରେ ଲଗାଯାଇଛି ।