କ.ନୂଆଗାଁ ବ୍ଲକ ରେ ନବ ଭାରତ ସାକ୍ଷରତା କାର୍ଯ୍ୟକ୍ରମ ମୂଲ୍ୟାୟନ

ବାଲିଗୁଡା: ୨୭/୧୦ (ସୁକାନ୍ତ କୁମାର ତ୍ରିପାଠୀ) କନ୍ଧମାଳ ର କ.ନୂଆଗାଁ ବ୍ଲକ ର ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ପ୍ରମୋଦ କୁମାର ମଲିକ, ଗୋଷ୍ଠୀ ଶିକ୍ଷା ସାଧନକେନ୍ଦ୍ର ସଂଯୋଜକ ଶ୍ରୀ ଚୈତନ୍ୟ କହଁର ଓ ଗୋଷ୍ଠୀ ସହଶିକ୍ଷାଧିକାରୀ ତଥା ନୋଡାଲ ଅଧିକାରୀ ଶ୍ରୀ ହରିହର ମଲିକ ଙ୍କ ତତ୍ତ୍ୱାବଧାନରେ ନବ ଭାରତ ସାକ୍ଷରତା କାର୍ଯ୍ୟକ୍ରମ (ଉଲ୍ଲାସ) ର ମୂଲ୍ୟାୟନ କାର୍ଯ୍ୟ ହୋଇଯାଇଛି ।ଏଥିରେ ବ୍ଲକ ର ୧୧ ଟି କ୍ଲଷ୍ଟର ରେ ୩୦ଟି ମୂଲ୍ୟାୟନ କେନ୍ଦ୍ରରେ ୬୨୫ ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି । ଏହାର ସୁ ପରିଚାଳନା ନିମନ୍ତେ ୧୧ଟି କ୍ଲଷ୍ଟର ର ସମସ୍ତ ଆଞ୍ଚଳିକ ସାଧନକେନ୍ଦ୍ର ସଂଯୋଜକ ଙ୍କ ସମେତ ନ୍ୟୁ ଇଣ୍ଡିଆ ଲିଟରସି ର ବ୍ଲକ ସଂଯୋଜକ ସୁଶାନ୍ତ କୁମାର ସାହୁ ଏବଂ ସାଧନ କର୍ମୀ ତଥା ପୂର୍ବତନ ବ୍ଲକ ସଂଯୋଜକ ଶ୍ରୀ ସୁଜିତ୍ କୁମାର ଦାଶ, ଙ୍କୁ ନେଇ ୩ ଟି ନିରିକ୍ଷକ ଦଳ ଗଠନ କରଯାଇଥିଲା । ଏହି ଦଳ

ପରୀକ୍ଷାକେନ୍ଦ୍ର ଗୁଡିକୁ ବୁଲି ପ୍ରତ୍ୟକ୍ଷ ତଦାରଖ କରିଥିଲେ। ମୂଲ୍ୟାୟନ କେନ୍ଦ୍ରମାନଙ୍କରେ ଠିକ୍ ଭାବରେ ପରୀକ୍ଷା କାର୍ଯ୍ୟ ସମାପନ କରାଇ ଥିବାରୁ ସମସ୍ତ କେନ୍ଦ୍ର ପରିଚାଳକ/ପ୍ରଧାନ ଶିକ୍ଷକ, ସହ ପରିଚାଳକ/ସହକାରୀ ଶିକ୍ଷକ ଶିକ୍ଷୟତ୍ରୀ, ସମସ୍ତ ଶିକ୍ଷା ସ୍ଵେଚ୍ଛାସେବୀ ( ଭି॰ ଟି॰ ) ମାନଙ୍କୁ ସେମାନଙ୍କ ସ୍ଵେଚ୍ଛାକୃତ୍ତ ଶିକ୍ଷଣ କାର୍ଯ୍ୟ ପାଇଁ କାର୍ଜ୍ୟାଳୟ ତରଫରୁ ସାଧୁବାଦ ଜଣା ଯାଇଛି । ସମସ୍ତ ଶିକ୍ଷା ସ୍ଵେଚ୍ଛାସେବୀ ( ଭି॰ ଟି॰ ) ଓ ସମସ୍ତ ବିଦ୍ୟାଳୟ ର ଶିକ୍ଷକ ଶିକ୍ଷୟତ୍ରୀ ଙ୍କ ସହଯୋଗ ରେ ଆସନ୍ତା ଦିନରେ ଧାର୍ଯ୍ୟ ହୋଇଥିବା ‘ଉଲ୍ଲାସ’ ର ସଫଳ ରୂପାୟନ ପାଇଁ ‘ଜନଜନ ସାକ୍ଷର’ କାର୍ଯ୍ୟକ୍ରମରେ ଏହି ବ୍ଲକ ଅନ୍ତର୍ଗତ ୬୦୦୦ ନିରକ୍ଷରଙ୍କୁ କିପରି ସହଯୋଗ ଭିତିରେ ସାକ୍ଷର କରାଯିବ ତାର ଯୋଜନା କରଯାଇଅଛି ।